Home Local Algun minuut despues di e entrevista cu Massiel Genser, dokter a ...

Algun minuut despues di e entrevista cu Massiel Genser, dokter a bin constata cu ta Miguel su apendix mes a rementa

SHARE

Eagle:
Dokter Horacio Oduber Hospital: Diasabra merdia Arubanative.com riba su pagina di Facebook a haci un entrevista live cu Massiel Genser, kende su ruman Miguel di 16 ana ta hospitaliza pa algun dia y cu e dokternan no por constata kiko por ta e motibo cu e hoben aki a bira asina malo. E la perde 12 liber, e no por a cana mas y no tabata ni come of bebe mas. E tabata tin hopi dolor den su barica parti abou y den su stoma tabata tin likido.

Famia den nan desesperacion tabata busca tur forma pa mira si nan por a manda nan ser keri den exterior, mirando cu na Aruba e dokternan no por a diagnostica kiko ta e motibo cu e hoben aki ta asina malo. Varios test a wordo haci cu ne y sin resultado.

Diasabra e ruman muhe di Miguel, Massiel a pidi prensa cooperacion pa un entrevista, pa asina mira si su preocupacion lo por yega na esnan cu Si lo por yude, pa sikiera manda su ruman chikito den exterior, por ehempel Colombia. E ruman muhe tabata tin hopi miedo cu su ruman chikito no lo sobrevivi esaki.

Despues di e entrevista e ruman a tuma contacto cu Arubanative.com y a duna nos un update. Segun Massiel algun minuut despues di e entrevista, e dokternan a tuma un desicion di haci urgentemente un kijkoperatie y aki a bin constata cu ta trata di un apendix cu SI a rementa (peritonitis).

Massiel a bisanos, cu na momento cu su ruman a wordo interna na hospital,despues di un echo, e dokternan a bisa cu no por ta apendix, paso e apendix tabata mustra bon, e no ta hincha. Segun Massiel, nan lo a mira cu e apendix lo ta bon pasobra ya e no tabata hincha mas y cu esaki a rementa caba.

Actualmente Miguel ta recuperando poco poco, e lo ta bay ta un recuperacion lento y ta spera cu esaki no a causa daño na su organonan.