150
Rooi Koochi: Diabierna den careda di 8’or di mainta na Rooi Koochi a sosode un accidente, den cual 6 persona a keda herida. Mesora a pidi pa presencia di polis y ambulance.
Na yegada nan a bin compronde cu e Hyundai Tucson tabata biniendo di pazuid y a bay lora na su man robes pa bay direccion pabou y no a duna e Honda City cu tabata biniendo di panort preferencia. E impacto fuerte a laga e 6 ocupantenan di e Honda City herida.
Mesora tres ambulance a presenta y despues cu e paramediconan a trata tur 6 persona na e sitio y despues a transporta tres di nan pa hospital pa un tratamento medico mas avansa.
Ambos auto a haya basta daño material.