Home Sports Brazil Taekwondo Stichting a duna training na tur esnan cu a presenta.

Brazil Taekwondo Stichting a duna training na tur esnan cu a presenta.

SHARE
 
Durante vakantie di scol Brazil Taekwondo Stichting a habri su portanan pa tur esnan cu a presenta y tabata interesa di siña 
kiko ta Taekwondo. Entre 20 cu 30 di Augustus training tabata gratis hunto cu e team di Train Hard Fight Smart.
Tur training a tuma luga den e gymzaal di Tarcisius Kleuterschool situa na Brazil 39-A, patras y panort di 
Misa di Brazil. Brazil Taekwondo Stichting su team di faha preto tabata contento di por a aporta na e
muchanan cu a bin pa prome biaha pa les di Taekwondo. E training tabata dificil pa e chikitonan cu a bin pa prome biaha. Muchanan di 5 te cu 14 aña a train for di 5’or pa 6’or di atardi y for di 15 aña bay ariba a train for di 6’or pa 7’or di anochi. Training tabata ariba Dialuna, Diaranson y Diabierna.
 
Tur e muchanan cu a bin nobo pa train a bin cu hopi animo pa siña Taekwondo y ta cla pa forma parti di e team di Train Hard Fight Smart di Brazil Taekwondo Stichting. Ellon Donker y Gilson Lourens for di Corsou a informa cu nan ta train caba y ta preparando pa Aruba.
 
Awe 1 di September ta bay sigui cu e meta cu training ta bay avansa pa prepara e team pa Surinam y Corsou.