Home Politics PROME MINISTER PRESENTE NA APERTURA OFICIAL DI ‘CAS DI OPPA’

PROME MINISTER PRESENTE NA APERTURA OFICIAL DI ‘CAS DI OPPA’

SHARE

 

“Nos pensionadonan ta e tesoronan cu a construi nos economia cu nos y nos yiunan ta bibando aden”

 

Diahuebs ultimo, e Organisacion di Pensionado Publico Arubano, OPPA a celebra 33 aña di existencia. Un dia special pa directiva y miembronan di e organisacion na unda cu diahuebs atardi a tuma luga e apertura oficial di nan edificio nobo, e “Cas di OPPA”. 

 

“Mi tabata tin e honor di ta presente pa felicita OPPA cu e bunita proyecto aki y gradici tur pensionado pa construi nos pais Aruba. Un bunita proyecto!”, Prome Minister Evelyn Wever-Croes a expresa.

 

OPPA, ta e Organizacion di Pensionadonan Publico di Aruba. Den luna di juli nan tambe a reuni cu Formador Wever-Croes na unda cu nan a presenta un documento bastante elabora den cua nan a apunta e retonan cu adultonan mayor ta enfrenta. A resalta tambe e tema con pa duna nos adultonan mayor mas representacion pa aisna un gobierno tene cuenta structuralmente cu interesnan di nos adultonan mayor cu ta parti grandi di nos comunidad. Nos pensionadonan ta esnan cu a construi nos economia cu nos y nos yiunan ta bibando aden. Nan ta tesoro pa henter nos sociedad y nan ta conta. 

 

Prome Minister a gradici directiva di OPPA y miembronan cu nan 33 aña sirbiendo na bienestar di nos pensionadonan y alabes ta felicita nan cu un bunita edificio propio cu nan a construi cu contribucionnan haci di directivanan y miembronan di antes y esnan actual y awe nan por conta cu un hoya di edificio unda e pensionadonan por yega y encontra un ambiente familiar y sinti nan mes na cas.