Procurador General: ta haya cu ta prueba cu Ninosca Nuñez a paga Paul Croes pa regla permisonan

Oranjestad:

Diamars den oranan di merdia pa atardi riba e di dos dia di Caso IBIS den Corte Superior, durante e tratamento di e caso , Procurador General a bisa cu Ninosca Nuñez, tabata un tramitado cu ta regla permisonan y e ta haya cu ta prueba cu e la paga Paul Croes pa regla permisonan pa su persona.

Tambe Procurador General a bisa, cu a scucha combersacionnan di telefon na un forma pa hende no ripara di kiko ta trata, den cual Nuñez tabata bisa Paul con mester regla e permisonan.

Procurador General a exigi 240 ora di trabou comunitario, 120 dia di castigo di prison (4 luna di prison) y 3 aña di prueba.