Home Police Den un razzia Project Team Drugspanden a detene 2 persona y a...

Den un razzia Project Team Drugspanden a detene 2 persona y a confisca marihuana y pildonan di XTC.

SHARE

Project Team Drugspanden ta un team cu a wordo lanta pa entre otro investiga bendemento di droga for di un percela.
En conexion cu un investigacion andando Project Team Drugspanden a bay na un cas na Pavia y a detene e homber di inicialnan J.M.Z. naci na Aruba di 21 aña y J.E.Z. naci na Aruba di 60 aña.
Durante e entrada hudicial a confisca un cantidad di matanan di marihuana y pildonan di XTC.

Diferente teamnan special manera, K9-unit, departamento tecnico di Cuerpo Policial y otro teamnan tambe a participa na e entrada hudicial aki.

Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nos ta pidi si bo tin cualkier informacion yama nos tiplijn di Polis cu ta: 11141. Nos ta garantisa cu bo ta keda anonimo.