Home » Mañan Procurador General ta exigi castigo den caso IBIS

Mañan Procurador General ta exigi castigo den caso IBIS

by Admin
0 comment 73 views

 

ORANJESTAD – Mayan ta dia cu Procurador General (PG) ta bay exigi castigo den caso IBIS.

Awe mainta tratamento di e caso a cuminsa caminda Paul Croes, Melony Croes Paesch, Jairo Wever, Robio Di Vecchia, Ninosca Nunez, Rudmilla Martinus a presenta den Corte pa e apelacion di e sentencia den caso IBIS.

Aruba Native por a compronde cu na Februari 2019, Hues a dicta sentencia den caso IBIS, caminda Ministerio Publico a apela e sentencianan caminda e sospechosonan a wordo declara liber.

** Ninosca Nuñez, caminda Hues ta haya cu Nuñez no a haci regalo of pago na minister Paul Croes pa haya dispensacion. Hues a declara Nuñez liber pero Ministerio Publico a apela e sentencia.

** Robio Di Vecchia tin bon relacion cu Paul Croes. A ofrece discuento pa instalacion di airco pa Paul Croes su oficina. Fiscal ta considera esaki un regalo door duna discuento hopi halto. Hues no ta considera esaki un regalo. Hues a declara Di Vecchia liber pero Minister Publico a apela e sentencia.

** Rudmilla Martinus, Hues ta haya cu e hecho cu Martinus ta papia cu Arends riba permiso pendiente y tambe compra di carchinan pa concierto no ta cumpramento. Hues a declara Martinus liber pero Ministerio Publico a apela e sentencia.

** Jairo Wever, Hues ta haya cu el a yuda Paul Croes door di haci donacion pa asina regla permiso pa trahadornan di exterior pa e refineria. Hues a condena Wever na 5 mil florin multa, 2500 ta condicional cu un tempo di prueba 3 aña. Ta asina cu Wever a apela e sentencia.

** Melony Croes Paesch, Hues ta hay’e culpable di labamento di placa. Hues ta haya cu no ta suficiente prueba cu Paul Croes lo a hinca placa den negoshi di Melony, ta wordo declara liber. Pa loke e otro acusacion di labamento di placa cu Paul, declara liber. Melony no tabata sa di placanan cu Paul Croes lo a haya. Hues ta haya Melony a laba placa den su negoshi. Tin un cantidad di placa cu no por describi e prosedencia di esakinan cu ta mas cu 209 mil florin.

Tambe Hues ta haya Melony complice di tuma trahador ilegal den servicio. Paul a laga e dama Venezolano drenta Aruba door di Vingal. Hues a condena Melony na 120 ora di trabao of 60 dia sera y 3 luna di prison condicional cu 3 aña di prueba.

** Paul Croes, Hues ta hay’e culpable y a tene cuenta cu Paul a sufri den caso aki pero no ta desconta den castigo. Hues a tene na cuenta cu Paul tabata 79 dia den limitacion y lo desconta esaki den castigo. Hues a condena Paul na 4 aña di prison y cu pa 9 aña no por postula como politico.

Mayan Aruba Native lo informa kico ta e castigonan cu Procurador General ta exigi.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio