Home Local Despedida di Edmond M. de Freitas, miho conoci como ” Junny” na...

Despedida di Edmond M. de Freitas, miho conoci como ” Junny” na Aurora Funeral Home & Crematory

SHARE

Edmond M. de Freitas, miho conoci como ” Junny “, a nace dia 22 di juli 1960 y a fayece riba 23 di augustus ultimo, na edad di 61 aña.

Junny a laga atras su esposa Rosita, su yiunan, yiu di criansa y nietonan.

Na bida Junny tabata un conocido musico, cantante y compositor hopi conoci na Aruba. Na un edad hopi hoben e tabata miembro di ”De Trupialen”. Despues a forma parti di varios bandanan musical local entre otro, Sensacion Del Caribe, Los Juveniles, Claudius Philips y su Grupo Oreo, Orkesta Quasi, NBO, Grupo Impak y tambe TNT Band y hopi mas.

Junny tabata un ex agente policial, di Cuerpo policial di Aruba, pero tambe a yega di traha na Parket di Officier van Justitie.    Junny den su bida a yega di gana tres songfestival internacional di ” Cuerpo Policial di Reino Hulandes.

Dialuna den oranan di mainta famia, amigonan, conocirnan y bisinjanan tabata tin e oportunidad di despedi di Edmond M. de Freitas, miho conoci como ” Junny”. E despedida a tuma lugar na Aurora Funeral Home & Crematory, cuminsando for di 9 or pa 11’or di mainta. Despues famianan, amigonan y conocirnan a hiba Junny na su ultimo lugar di sosiego cual ta Santana Centraal Sabana basora.

E tabata un despedi hopi conmovedo, e caha a keda cera durante e despedida, un potret banda di e caha tabata e ultimo recuerdo cu a keda den memoria di su famia, amigonan y conocirnan como prueba di su despedida.