Home » Chauffeur burachi a dal dos auto na ariba caminda di Bushiri pa Pos Abou

Chauffeur burachi a dal dos auto na ariba caminda di Bushiri pa Pos Abou

by Admin
0 comment 74 views

Bushiri/ Pos Abou – Diadomingo anochi den careda di 8:30 polis a wordo informa di un accidente frontal panort di Fantastic Garden.

Informacion adicional tawata bisa cu un di e chauffeurnan envolvi ta bou influencia.

Na yegada di polis agentenan mesora a ripara cu e chauffeur cu a causa e accidente ta burachi.

Mesora nan a pidi’e pa e compañanan unda e patrouille wagen tawata staciona y eynan a lage supla, un practica poco peligroso den nos parece mirando cu tin un Delta variant cu ta basta agresivo o sea ta pega hopi lihe.

E chauffeur a supla y no tawata un sorpresa cu e lo surpasa e limite stipula pa ley, eynan mes e la wordo poni den boei wardando transportwagen. 

Por a mira cu e Chevrolet Spark maneha pa e chauffeur bou influencia a dal dos auto.

Prome e la dal un Hyundai Accent color cora y despues a sigui bay y kita na su man robes bay dal un Mazda biniendo nort.

Danki Dios no tawata tin personanan herida.

Polis di trafico mester a presenta na e sitio y despues di basta investigacion hunto di companianan di seguro, takelwagen a move tur auto for di caminda.

Den varios otro ocasionnan nos a trece dilanti cu Aruba tin un indice halto hendenan cu ta maneha auto bou influencia, y no ta mira un reduccion den esaki.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio