Weststraat/ Prof.lorentzstraat – Diasabra anochi algun rato prome cu toque de queda ta cuminsa un accidente entre dos auto a sosode ariba crusada conoci den Weststraat.
Na prome instante a papia di un accidente basta serio. Na yegada di polis nan a constata cu tin un Mitsubishi pick up benta ariba su banda robes, mientras e otro vehiculo cu tawata un Volkswagen stationwagon.
Mesora polis a ricibi informacion cu esnan envolvi ta ok, ambulance ya tawata na e sitio controlando un di e personanan.
Mas tanto tawata daño material.
Polis di trafico mientrastanto a wordo pidi y tawata na caminda pa e sitio. Companianan encarga cu seguro tambe a presenta.
Trafico mester a wordo desvia pa algun rato, debi cu e autonan tawata memey di caminda, strobando trafico.
Falta di preferencia a hunga un rol un biaha mas.
