Home Politics Parlamentario Endy Croes: Durante IPKO na Bonaire A reuni cu Jorien Wuite...

Parlamentario Endy Croes: Durante IPKO na Bonaire A reuni cu Jorien Wuite di D66 y a hiba combersacion cu Charetti America Francisca VZ di Parlamento di Corsow

SHARE

Parlamentario Endy Croes a asistis reunionnan interesante di IPKO recientemente na Bonaire. Ta trata di reunionnan entre Parlamentarionan di Hulanda, Aruba, Corsow y St Maarten. Hulanda kende ta esun responsabel pa organisa e IPKO aki a escohe pa hasi esaki na Bonaire como cu na Den Haag salanan ta den renobacion. Durante e IPKO aki Parlamentario Endy Croes a probecha pa traha mas riba un mihor networking den contactonan personal cu diferente Parlamentarionan.
/// A sera conosi cu Presidente Di Parlamento Charetti America Francisca:
Manera nos sa cu Corsow a pasa den un proceso di elecion 19 di maart ultimo y Corsow tin su Gobierno nobo y su Parlamento nobo y na timon di Parlamento di Corsow nos tin Sra. Charetti America Francisca. Parlamentario Croes por a hiba un combersacion cu Presidente di Parlamento di Corsow y asina a sera conosi mas di serca cu dicho Presidente.
/// A reuni largo cu Jorien Wuitte di D66:
Un reunion interesante tabata e reunion cu Jorien Wuitte di D66 di Hulanda. Manera ta conosi cu Hulanda tambe a pasa den un proceso electoral 17 di maart ultimo y tin miembronan di Tweede Kamer nobo pero ainda no a logra forma nan gobierno mes. Jorien sinembargo a nase na St Maarten y a yega di fungi como gevolmachtigde minister di St Maarten. Jorien ta enfoka entre otro den industria creativo, salubridad, innovacion, trabounan di desaroyo internacional y traha den conhunto riba desaroyonan pero tin su master tambe den Public Management. Durante dicho reunion Parlamentario Croes a logra pasa riba puntonan di interes pa Aruba. Por sinti cu Jorien su sentimento pa e ilsanan den Caribe ta rersalta y su amor pa brinda ayudo na islanan ta imenso. Mas cu klaro nos a keda di hasi un follow up zoommeeting den september pa asina acelera temanan di hopi interes pa Aruba. Finalmente Parlamentario Endy Croes ta kere cu banda di asisti na reunionnan oficial di IPKO semper mester probecha e momento pa networking pa cu Parlamentarionan den Reino y complementa asina e reunionnan di IPKO cu un mihor resultado Croes a termina bisando. Tin hopi reto pero awor tin mas network y boluntad pa yega na ayudo y solucion.