Ken ta Taliban?
Taliban ta un movecion islamita cu a wordo forma na aña 1994, e movecion aki tabata consisti di e grupo di resistencia di Afganistan, cual tabata conoci como mujahedeen.
Den añanan ochenta mujahedeen tabata lucha contra e forsa Sovietico cu tabata invadiendo nan pais.
E movecion Islamita Taliban kier imponi nan mesun interpretacion di ley Islamico na e pais, nan kier kita tur influencia stranhero for di nan pais.
Na 1996 tabata e prome biaha cu e Talibannan a logra invadi Kabul e capital di Afghanistan.
E organisacion Sunni Islamico a impone reglanan hopi estricto, por ehempel, cu hende muhe mester tapa curpa completamente di ariba te abou y e ser femenino no ta wordo permiti pa studia of traha, nan no ta wordo permiti pa cana of bay niun caminda nan so. Tambe a prohibi canalnan di television, musica y dianan di fiesta no islamico.
Despues di September 11, 2001 cos a cambia, 19 homber a secuestra 4 avion comercial na merca (9/11)e avionnan a wordo uza pa dal den e World Trade Center Towers cu Pentagon y uno cu a tabata destina pa Washington a cay riba un veld na Pennsylvania. Den e atake di 9/11, mas cu 2700 hende a perde nan bida.
E Atakenan aki a wordo orkestra pa e lider di e grupo di Al-Qaeda di e tempo ey, Osama Bin Laden. Osama Bin Laden tabata opera for di Afghanistan y tambe e tabata dirigi e Talibannan. Despues di menos di un luna di e atakenan di 9/11, Estados Unidos y algun forsa alliado a invadi Afghanistan. Esaki tabata tin como meta pa stop e Talibannan di duna Al Qaeda refugio, pa stop Al Qaeda di usa Afghanistan como base pa operacion di actividadnan terrorista.
Durante 20 aña cu e Talibannan tabata for di poder na Afghanistan, nan a sigui cu un resistencia fuerte contra e Forsanan Alliado y e gobierno di Afghanistan, cu tabata para na banda di Estados Unidos.
Ken ta lidera e Taliban?
E movecion Taliban ta wordo lidera pa Mawlawi Haibatullah Akhundzada, kende tabata un di e religiosonan sali for di e generacion cu for di tempo cu e movecion Taliban a keda funda.
E la wordo nombra lider despues cu e lider anterior Mullah Akhtar Mohammad Mansour a fayece na 2016 den un airstrike mericano na Pakistan.
Segun un analista di Afghanistan analyst network, Sr. Thomas Ruttig: “E lider di e movecion Taliban nobo, possiblemente e lo por bay integra mas di e generacion hoben cu ta mustra di ta capas di forma parti di e militancia.”
Un otro persona clave di e movecion Taliban ta e co-fundado Mullah Abdul Ghani Baradar kende a wordo libera na 2018.
Mullah Abdul Ghani Baradar a wordo captura na 2010 na Karachi, Pakistan. Baradar ta na cabes di e comite politico di e grupo y recientemente a topa cu minster di relacionnan exterior di China Wang Yi.
Fuente:www.ccn.com/ taliban control afghanistan