Home » Acto di entiero conmovedor di Melanie Angel Thiel, ruman di nos conocido artista Jeon Arvani

Acto di entiero conmovedor di Melanie Angel Thiel, ruman di nos conocido artista Jeon Arvani

by Admin
0 comment 298 views

Diabierna ultimo tabata tin e oportunidad di despedi di Melanie Angel Thiel na Drive Inn, esaki a tuma lugar for di 6’or di atardi pa 9’or di anochi.

Un momento hopi tristo caminda varios hende a haya chens pa despedi di un gran persona Melanie Angel Thiel, miho conoci y cariñosamente yama ” Mela, Mel, Mely, Lotchi, Beer, Melonchi of Melager.

Paradera: Diasabra for di oranan di merdia curpa di Melanie tabata reposa na Misa Santa Filomena na Paradera aki tambe un cantidad di amigo, conocinan, bisiñanan y famianan por a despedi di Melanie. Despues Melanie a wordo hiba na su ultimo lugar di sosiego cu ta na Santana Pastoor Kranwinkel na Paradera.

Por a nota riba e caranan di su mayornan, su rumannan y su amigonan un tristeza enorme. Melanie a wordo acompaña pa su ultimo lugar di sosiego pa su famia, amigonan  y conocirnan. Un cantidad grandi di areglonan floral a decora su ultimo lugar di sosiego.

Melanie a nace dia 09 di mei 1988, su mayornan ta Francia “Anchie” Semeleer y e conocido musico y cantante Robert Thiel.

Melanie ta ruman di e artista Arubiano Jonathan Thiel, conoci internacionalmente bou di e nomber artistico Jeon Arvani. Melanie tin mas ruman, Rozanne Thiel, Garvin Albertus y Jean Paul. Melanie tabata tin un sobrino yama Ro-endry Bryson.

Melanie a laga atras su pareha Jay Lovell y su yiu Jayzley Brown.

Arubanative.com ta extende su palabranan di mas profundo condolencia na famia y amigonan di Melanie Thiel y cu Melanie sosega na paz.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio