Phillipsburg: Diaranson den oranan trempan di anochi, pa ser exacto entre 7’or cu 8’or di anochi a sosode un accidente fatal, e accidente a sosode riba L.B.Scott Road. E motociclista a dal contra un auto cu tabata birando na su man robes pa bay na e veld di bala. E brommer mesora despues di e impacto fuerte a pega candela.
E motociclista a keda gravemente herida, e la wordo transporta cu urgencia pa hospital y un rato despues a drenta e tristo noticia cu Jason Peterson(37) a fayece.
Jason Peterson a nace na Aruba dia 23 di augustus 1984. Ora e tabata tin un aña su mayornan a dicidi di imigra pa Sint Maarten. Su tata ta Marc Peterson y su mama ta Marcella Geerman.
Jason a crece na Sint Maarten y tabata biba na Simpson Bay. Jason tabata doño di un carwash. E la laga dos yiu muher a tras, un di su yiunan ta biba na Aruba y e otro ta biba na Sint Maarten.
Arubanative.com ta extende su mas profundo palabra di condolencia na famia Geerman y Peterson.
