Home » Barco di Marina Real Zr. Ms. Holland a confisca mas di 2 mil kilo di cocaina

Barco di Marina Real Zr. Ms. Holland a confisca mas di 2 mil kilo di cocaina

by Admin
0 comment 54 views

E barco di Marina Real Zr. Ms. Holland dilanti costa di Haiti a logra confisca un total di 2.1 mil kilo di cocaina. Esaki a sosode prome cu dia 20 di augustus, pero Ministerio di Defensa Hulandes  te awe a divulga e informacion aki.

Dia 14 di augustus ultimo, e dia cu e temblor devastador  a sacudi Haiti, e barco di Marina Real Zr. Ms. Holland a sali bay direccion di Haiti pa duna e prome asistencianan..

E barco di Marina Real durante algun dia, dilanti di e costa di Haiti,  a logra confisca tres speedboat, tur tres tabata tin cocaina abordo.

E prome cargamento confisca tabata procedente di un tip di Kustwacht Caribisch Gebied, cu a capta riba nan radar un go-fast sospechoso. E helicopter di guerra NH90 di e barco Zr. Ms. Holland mesora a bay direccion di esaki. E tripulante di e speedboot a ignora e stop signal y tambe no a ni respeta e tironan di advertencia.

Un sniper di Korps Marine a los algun tiro direccion di e tres motornan y esaki a pone cu e speedboat no por a sigui mas. E speedboat aki tabata carga cu cocaina. Personal di Marina Real a confisca mas o menos mil kilo di cocaina, riba e Go-fast aki.

Despues di esaki un biaha mas e barco di Marina Real ta logra confisca un otro cargamento mas di cocaina, tabata trata di 800 kilo. E cargamento aki tambe tabata abordo di un Go-fast, mesun modus operandi, personal abordo di e barco a obliganan cu stop signals y tironan di advertencia pa nan para. Personal di Warda Costa Hulandes a confisca 800 kilo abordo for di e go-fast aki.

Algun dia despues, e personal abordo di e barco di Marina Real a bolbe señala un go-fast sospechoso, ora e tripulante a nota presencia di marina real,  e tripulante abordo di e go-fast mesora a core tira mas o menos 360 kilo di cocaina den lama. E personal di Warda Costa Hulandes a logra para e boto y a saca e droga for di lama. E boto y e droga a keda confisca.

Tur e sospechosonan y e droga confisca a wordo entrega den man di Warda Costa Mericano pa nan wordo persigui pa husticia Mericano.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio