Home » Tres curpa di baby den estado hopi avansa di decomposicion haya den un garashi na Francia

Tres curpa di baby den estado hopi avansa di decomposicion haya den un garashi na Francia

by Admin
0 comment 59 views

“Tres curpa di baby haya den un garashi”

Mézeray,(Sarthe), Francia: Dialuna durante dia un homber a descubri algo hopi horibel, na momento cu e tabata haciendo un garashi limpi. E la bin descubri tres curpa di baby den un estado di decomposicion, e curpanan tabata warda hunto cu dos cuchiu den saco di plastic, den un kashi . E homber mesora a bati alarma.

E garashi tabata pertenece na un señora (44) cu algun dia pasa a fayece di cancer. E homber cu a descubri e tres curpanan di baby tabata casa cu e señora aki, kende tabata doño di e garashi. Despues di fayecimento di su señora e la dicidi di cuminsa haci e garashi limpi y asina a bin descubri e tres curpanan di baby scondi den un kashi entre un cantidad di paña. Den e saco den hunto cu e curpanan e la bin topa dos cuchiu tambe.

Segun e prome investigacionnan haci, e curpanan, no ta data di e mesun periodo, pero nanntur tres ta den un estado hopi leu di decomposicion.

E homber cu a bay entrega keho, tambe a wordo interoga pa autoridad. E investigacion ta andando y ta teniendo cuenta cu tur posibel scenario.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio