ORANJESTAD – Dia 1 di september 2021 tur scol ta habri oficialmente y mescos cu aña pasa, DAS (Departamento di Asunto Social) mester a haci algun ahustacion pa loke ta trata e ayudo financiero extra cu esunnan den bijstand entre 3 te cu 24 aña, cu ta bay scol regular durante dia, ta ricibi.
Importante
Tur famia cu ta ricibi tur luna e ‘schooltoelage’ di AWG 250,- a ricibi esaki den e pago di bijstand di luna di augustus 2021. Pero pa loke ta trata pago di bijstand pa luna di september 2021 lo ta sin e “schooltoelage” di AWG 250,-. Esaki kiermen cu e bijstand di tur famia cu ta ricibi e ‘schooltoelage’di AWG 250,-, lo baha.
Den luna di september ora cu scol habri y cu cada famia entrega e ‘Formulario di Scol’ pa aña escolar 2021-2022, e bijstand lo wordo ahusta pa e pago di luna di october 2021. Tuma bon nota cu e suma di AWG 250,- lo wordo paga sin forsa retroactivo.
Conferencia di prensa
Dialuna 6 di september 2021 DAS lo tene su conferencia di prensa, caminda tur informacion necesario pa loke ta trata e ayudo financiero extra lo wordo duna.
Final
Si tin pregunta of ta desea di sa mas informacion por tuma contacto cu Departamento di Asunto Social su seccion di bijstand na telefon 528-1110 of ‘like’ nos pagina di Facebook “Departamento di Asunto Social” y keda bon informa.