31 di juli – 7 di augustus di 2021 – Pa prome biaha, un ekipo di expedicion por a evalua cu exito e diversidad di tiburon poniendo cinco tags di satelite y tambe por a confirma e etapa di embaraso di dos especie di tiburon pa medio di ultrazonido na Banco Saba. E progreso aki den investigacion a resulta den evaluacion di 56 tiburon, incluyendo 16 tiburon tiger embarasa den etapa inicial confirma y e prome macho marca den e region. E detayenan aki ta informa nos cu e papel importante di Banco Saba den e poblacion di tiburon di e region noord-oost y di Gran Caribe ainda no a wordo revela. E informacion aki ta crucial pa protege e tiburonnan miho den y pafo di e Santuario di Tiburon y Mamifero Marino Yarari di Caribe Hulandes.
Dutch Caribbean Nature Alliance (DCNA) hunto cu e Organisacionnan di Maneho di Area Protegi di Caribe Hulandes: Saba Conservation Foundation (SCF), Nature Foundation St. Maarten (NFSXM), St. Eustatius National Parks (STENAPA), STINAPA Bonaire, Aruba National Parks Foundation (FPNA), Dutch Caribbean Nature Alliance (DCNA) y World Wildlife Fund for Nature- Hulanda (WWF-NL) a dirigi un ekipo na Banco Saba den colaboracion cu Universidad Estatal di Arizona, Universidad di Groningen, Beneath the Waves y financia pa e Fondo di Biodiversidad di Fondo Mundial pa Naturalesa pa e Naturalesa-Hulanda (WWF-NL).
E expedicion aki di investigacion oceanico di un siman di duracion tabatin como meta compronde e etapanan di ciclo reproductivo di tiburon tiger na Banco Saba. Tadzio Bervoets, Director di DCNA y lider di e expedicion ta agrega: “Ta fundamental compila dato cu ta necesario pa avansa e accion di conservacion di especie di tiburon den Region Caribe y cu e datonan compila durante e ultimo siman nos por a haya un imagen cla di e rol importante cu Saba Bank tin ”. E expedicion aki a basa su mes riba investigacion previo y e experencia di cientificonan colaborador.
Durante e siman, e ekipo por a pone cinco tag di satelite riba e halanan di lomba di e tiburonnan tiger cu lo permiti nan localisa e animalnan aki durante un periodo di tempo prolonga. E ultrazonidonan cu nan a tuma haciendo uzo di alta tecnologia pa determina e etapa di madurez y embarazo a wordo apoya door di Brooke Andirson, Ph.D. candidato di Laboratorio di Dr. James Sulikowski di Universidad Estatal di Arizona. E ta mustra cu Banco Saba ta un area di reproduccion pa tiburon tiger di especie menasa di UICN y e tiburon di rif di Caribe den peliger di extincion di UICN. A keda confirma cu un di e hembranan di tiburon tiger tabatin un embaraso den etapa tempran y tabatin un largura total di 251 cm. E enfoke aki di investigacion multidisciplinario ta necesario pa duna e prome pasonan den comprension di ciclo di bida reproductivo di e especie den e region.
Un di e misterionan cu a sali na cla tabata e prome macho marca na banco Saba cu un tamaño di 306 cm y cu despues nan a yama Maestro Angelo. Aunke ta comun topa cu hembra, tabata straño topa tiburon tiger macho durante e investigacion. Debi na falta di investigacion realisa previamente di e tiburonnan aki na Banco di Saba, a sali na cla pakico ta necesario enfatisa e importancia y e necesidad di investigacion cientifico di e especienan aki.
E expedicionnan presenta pa e organisacionnan di maneho di area protegi, manera esaki, ta respalda investigacion necesario pa solucion di maneho basa riba dato. E resultadonan aki lo wordo uza pa yuda dirigi futuro actividad di investigacion, pa informa gobierno local tocante e impacto significativo cu e especienan aki y nan habitat tin riba ecoturismo y, finalmente pa fortalece e maneho di conservacion di naturalesa. Ayumi Kuramae, Oficial di Unidad di Maneho di Saba Bank a comparti e importancia di e estudio aki: “A traves di expedicion di tag anterior, a sali na cla cu tiburon tiger marca na Saba Bank ta biaha bay zuid te na Granada, crusando e frontera di hopi pais. Esaki ta mustra e importancia di protege e especienan no solamente den nos awanan, sino den henter e region. Por mira tiburon tiger macho y hembra hunto den diferente etapa di bida, ta mustra nos cu proteccion di e especienan aki den nos awanan ta vital, ya cu nos por ta protegiendo e futuro generacion di tiburon tiger den region. Un disminucion den e cantidad di tiburon por afecta e poblacion di pisca en general, loke ta conduci na un ekilibrio natural altera den lama. Saba, por ehempel, ta depende hopi di piscamento y turismo di buceo como parti di e economia local, cu tambe ta depende di un poblacion di pisca saludabel. Pues, ta sumamente importante compronde e rol di e bestianan jaagdo aki ”.
Despues di publicacion, Santuario di tiburon y Yarari Marine Mammal lo abarca e awanan di e zona economico exclusivo di Banco Saba hunto cu Saba, Bonaire y Sint Eustatius. E santuario aki tin intencion di proporciona un luga sigur pa e bestianan aki, pero sin dato y conocemento di apoyo, ta dificil garantisa cu nan lo recibi medida di proteccion adecua. Pa sobrevivi, e tiburon tiger por utilisa Banco Saba como habitat clave pa e diferente etapa di su ciclo di bida, pero nos sa cu nan ta biaha bay otro regionnan.
Tocante Dutch Caribbean Nature Alliance
Dutch Caribbean Nature Alliance (DCNA) ta un organisacion non-profit lanta pa protege medio ambiente natural y pa promove maneho sostenibel di recurso natural riba e seis islanan di Caribe Hulandes. DCNA a wordo lanta pa yuda consolida conocemento y pa yuda cera e gap financiero pa conservacion di Caribe Hulandes.
Pa mas informacion tocante e expedicion riba Tiburon Tiger embarasa, check DCNA’s Facebook, Instagram of DCNA’s website (https://dcnanature.org/news/) of contact [email protected]
2021 Team di Expedicion di Tiburon Tiger
Photo credit © Daniel Norwood (tur derecho reserva)
Tiburon Tiger getag
Photo credit © Daniel Norwood (tur derecho reserva)
