Home » Landadonan perdi, tabata personanan cu tabata tira lionfish

Landadonan perdi, tabata personanan cu tabata tira lionfish

by Admin
0 comment 76 views

Druif Beach: Diadomingo den careda di 6′ or y cuarto di atardi, central di polis ta haya un yamada cu den lama na altura di Divi Tamarijn tin dos persona cu problema den lama y cu nan lo ta bayendo mas leu y no ta miranan mas. Mesora centraal di polis a manda un patruya direccion di e hotel Divi Tamarijn pa e dos persona perdi den lama.

Na e sitio e agentenan a papia cu e manager di e hotel. E la declara cu e personal di siguridad di e hotel a bin bise, cu e la mira dos persona den lama cu lo por ta den problema y cu nan tabata tin un banderin cora cu nan. E manager tambe a bay mira y enberdad ela mira e dos personanan aki cu un banderin cora ta drief bay mas leu. Pa e motibo aki e manager a dicidi di bati alarma.

E agentenan a papia tambe cu algun turista, e turistanan a declara cu nan tambe a mira dos persona den lama. E polisnan na e sitio mesora a dicidi di pidi asistencia di kustwacht y di helicopter di polis pa asina mesora cuminsa cu un buskeda.

Mientras cu e polisnan tabata controlando den e area cerca di Divi Tamarijn, na altura di ex Bushiri hotel nan a topa cu algun persona y polis a para papia cu nan, mientras cu e polisnan tabata papiando cu e personanan aki, nan a mira un bandera cora y dos persona den lama, e dos personanan aki tabata riba un distancia di mas o menos 250 meter for di costa.

E agentenan mesora a avisa Kustwacht y e helicopter di polis pa controla si e dos personanan aki ta ok. Despues cu e personal di Kustwacht a papia cu nan, nan a bin bek canto y nan a splica e polisnan cu nan niun momento tabata den problema y ta lionfish nan tabata tira. E agentenan a tuma nomber di e dos personanan y a avisa Central di Polis.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio