Home » Statement di Aruba Food and Beverage Association relaciona cu ultimo medidanan cu a keda anuncia diasabra 21 di Augustus 2021 

Statement di Aruba Food and Beverage Association relaciona cu ultimo medidanan cu a keda anuncia diasabra 21 di Augustus 2021 

by Admin
0 comment 66 views

AFBA ta desea di aclarea cu, contrario na locual a wordo expresa durante e conferencia di prensa, nos association no a wordo consulta durante e reunion di crisis team na unda e medidanan aki a wordo acorda.

AFBA ta compronde cu mester tuma medidanan pa baha e nivel di contagio y pa stabilisa e situacion critico na HOH, pero colectivamente nos no por para tras di e siguiente medidanan: 

– orario di ciere di 9or PM
– limitacion di 4 persona pa mesa 

Medidanan mester wordo dirigi na e fuente di e problema y no riba e negoshinan di F&B particularmente.  E medidanan ta pone cu un biaha mas e sector aki lo sufri severamente cu tur e consecuencianan cu esaki por bin cune. 

E orario di cierre di 9or PM ta keda pa nos sector uno dificil pa traha cune. Esaki ta crea presion y un ambiente insigur pa nos trahadornan mirando cu tur cliente mester wordo atendi den un solo seating. 

E cantidad di persona na mesa ta irrelevante mirando cu cada persona por ta sinta banda of dilanti di un solo persona, pues e no ta haci diferencia riba nivel di contagio. 

Toque de Queda for di 11or PM pa 5or AM lo tabata suficiente pa stop fiestanan clandestino. 

AFBA ta extende un invitacion y ta urgi na tur esnan cu no a vacuna ainda, especialmente den nos sector di F&B,  pa haci uzo di e oportunidad di vacuna mayan durante e Vacunathon cu lo tuma lugar na Ritz Carlton Hotel. Door di vacuna abo tambe lo contribui pa nos por sali mas liher for di e crisis aki.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio