Home Police Chauffeur di Nissan March seriamente herida despues di boks den Arendsstraat

Chauffeur di Nissan March seriamente herida despues di boks den Arendsstraat

SHARE

Caya Boes Orman(Arendsstraat) – Diadomingo atardi pasa di 6’or polis a haya informacion di un accidente serio, pariba di Budweiser Bar.

Informacion a drenta di un accidente serio ariba Arendsstraat cu Driemasterstraat.

Brandweer tawata e prome unidad di rescate na e sitio.

Na yegada di unidadnan policial e chauffeur tawata ariba caminda drumi rondona pa algun persona cu yega pa yuda.
No ta conoci si e chauffeur mes a sali of e hendenan cu a yega por a sake for di e auto cu a keda completamente destrui dilanti.

Locual por a mira ta cu e auto aki un 25 pa 30 meter mas pabou a kita na su man drechi dal un cura di cas ranca un meter di awa y sigui bay para mas pariba.

Velocidad halto a hunga un rol hopi grandi den e accidente aki, y por a mira esaki con e auto a keda y tur e daño cu e la laga atras na e cura di cas.

Ambulance tawata e ultimo pa yega, unda cu na yegada mesora a baha e stretcher pa bay cuminsa lanta e chauffeur cu tawata grita di hopi dolor.
Algun rato despues mas Paramedico a yegada pa duna un man na e coleganan .

WEB N.V a wordo pidi debi cu masha hopi awa tawata spuit unda e meter a wordo ranca.
Te den oranan laat WEB N.V mester a keda pa resolve e daño haci.

BFTO tambe a ser pidi mirando cu ta trata di un accidente serio. Pa locual ta e Nissan March e la wordo hiba warda di Balashi unda departamento di trafico ta.