Watty Vos Boulevard – Diasabra anochi algo pasa di 10:30 polis a wordo notifica di un accidente ariba Watty Vos Boulevard yegando ex codemsa.
Tawata trata di un accidente entre 3 vehiculo.
Mesora patruya di trafico y tambe di Playa a bay e sitio. Trafico a tranca pa un rato, unda cu e fila di autonan mester a maniobra pa pasa entre e autonan kibra.
E auto mas dilanti tawata un Nissan Versa, e di dos auto tawata un Lexus y e ultimo auto tawata un Altezza.
Tur e autonan a sufri hopi daño material.
Un chauffeur a ricibi un kap chikito na su cabes y tawata sangra un tiki.
Un otro persona mes tambe a resulta herida pero niun tawata di gravedad.
Polis mester a cera Paperclip rotonde debi cu e trafico lo a stroba trabou di polis y di ambulance y mas despues e takelwagennan cu mester a yega pa move tur e vehiculonan.
Polis a scucha version di e chauffeurnan unda por a mira cu e chauffeur tawata mustra cu e mester maniobra y despues a boks.
Ariba caminda piesanan di auto a keda gespart y tambe piedra y tera.
