Home » Homber cu a bira malo abordo di American Airlines a fayece y su pareha deteni pa mas investigacion

Homber cu a bira malo abordo di American Airlines a fayece y su pareha deteni pa mas investigacion

by Admin
0 comment 75 views

Oranjestad, Diabierna den oranan di marduga a drenta e tristo noticia cu e persona cu a bira malo abordo di e avion di American Airlines a fayece.

Manera ya tabata conoci cu despues di un rato cu e avion a lanta cu destino Miami, abordo un persona masculino local a bira hopi malo, e tripulante abordo a nota cu e persona aki a cuminsa saca sanger.

E tripulante no a confia esaki y mesora a pidi permiso pa regresa Aruba, locual a ser considera como un medical emergency.

E cabayero na yegada a wordo transporta cu urgencia pa hospital, caminda den oranan trempan di diabierna marduga a fayece.

Ta trata di e persona Mayron Kock, Mayron ta laga su pareha y 2 dos yiu atras. Rumornan cu tawata circula rond den otro medionan diahuebs anochi cu lo por ta trata di gulimento di bolita cu a bay robes.

Autoridad tin e caso aki bou investigacion y no ta conoci si e entrada hudicial di diahuebs anochi lo por tin di haber cu e caso aki. Segun informacion cu nos a ricibi polis a detene su pareha cu tawata biahando cu ne.

E caso aki ta den man di autoridad y ta bou investigacion. Un caso sumamente lamentabel.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio