Home » Volleybal pa hobennan entre 9 y 13 aña

Volleybal pa hobennan entre 9 y 13 aña

by Admin
0 comment 61 views

Oranjestad: Den cuadro di desaroyo di e deporte di volleyball, Aruba Volleyball Association a organisa dos dia di volleyball pa hobennan entre 9 y 13 aña. E evento a tuma lugar na Centro Deportivo YARA.

 

Meta di e evento aki ta pa hobennan sera conoci cu e deporte di volleyball y asina crea e interes y motivacion den e hobennan.

 

Un grupo di 25 hoben a goza di e mainta y pa medio di diferente topico y ehercicio e hobennan a siña e parti tecnico di e deporte di volleyball y tambe a pone infasis ariba e importancia di “traha hunto” ora nan ta practica deporte den grupo.

 

Tabata interesante pa mira con e entrenador, sr. Bridgewater atrabes di su programa a tene e atencion di e hobennan y ariba un manera di hunga (“spelenderwijze”) a laga tur hoben participa cu hopi alegria y energia.

 

E programa aki lo continua pa diferente edadnan den otro barionan di Aruba y lo focus ariba hobennan di 6 pa 13 aña.

 

Un danki na sr. Patricio Bridgewater cu a prepara un bon programa basa ariba ponencianan di entrenamento pa hobennan di cierto edad. 

 

[email protected]

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio