Home Corte N.Gibbs acusa di intento asesinato dilanti Hues

N.Gibbs acusa di intento asesinato dilanti Hues

SHARE

ORANJESTAD – Den Corte di Husticia a cuminsa cu tratamento di e caso penal contra e homber N.G.

Aruba Native por a compronde cu esaki a sosode via video conference caminda den sala di Corte tabata presente: Hues, Fiscal y abogado di N.G., mientras cu N.G. tabata den un oficina na KIA.

Fiscal a acusa N.G. di intento di asesinato door di a hinca e homber E.B. diferente biaha cu un cuchiu den su lomba. Fiscal a bisa Hues cu subsidiario e ta acusa N.G. di a purba causa herida severo na E.B.

Fiscal a bisa cu e caso ta pro forma door cu ainda falta un rapport medico. El a bisa Hues cu e procesverbaal oficial ta cla pero ainda falta e raport medico di e situacion di e victima. Fiscal a propone pa tratamento di e caso tuma lugar dia 22 October 2021. Hues a bay di acuerdo y a pospone e caso pa dia 22 October 2021.

N.G. ta keda sera den KIA te dia di e caso.