Home » Nissan Sentra a bolter ariba altura di Airport, pasahero a resulta seriamente herida na su ma

Nissan Sentra a bolter ariba altura di Airport, pasahero a resulta seriamente herida na su ma

by Admin
0 comment 97 views

Green Corridor – Diahuebs mainta den careda di 10’or informacion a drenta cu tin accidente altura di aeropuerto y cu lo tin persona herida.

Na yegada polis di trafico mesora a pidi pa un ambulance, mirando e situacion di e persona herida.

Na e sitio nos a papia cu chauffeur di e heavy transport.
Segun su version, bayendo direccion di rotonde di airport un auto pa un of otro motibo a cera brake.

Pa e no dal tras di e auto e la brake, tur esaki tawata pasando ariba e banda drechi di e caminda.
E banda robes tawata clear, pues no tawata tin trafico ta stroba.

E Nissan Sentra biniendo for di Mahuma ariba su banda robes a dal contra e berm(separacion di caminda). Segun chauffeur di e trekker, no tawata tin nada strobando.

Chauffeur di e Sentra ta perde control completo ariba e vehiculo causando cu e auto a bolter y cay bek ariba su 4 wielnan.

Durante cu esaki a sosode e pasahero cu ta un hoben a resulta seriamente herida na su man.
E hoben lo a perde varios algun dede den e accidente.

Caminda mester a wordo cera den ambos banda, debi cu uno e auto a keda memey caminda y e otro banda cu ta bay pa San Nicolas partinan di e muraya a spart ey banda.

Despues di un rato Paramediconan hunto cu Officier van Dienst di Ambulance a sali direccion Hospitaal, unda cu si ta bon e hoben lo mester a bay wordo someti na un operacion.

Caminda a keda cera basta rato pa investigacion y hasta a pidi BFTO tambe na e sitio.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio