Home Police Durante transport, carga mucho halto ariba trekker a ranca varios waya di...

Durante transport, carga mucho halto ariba trekker a ranca varios waya di Elmar

SHARE

Mahuma/Santa Marta – Diauhebs merdia rond di 12’or di merdia polis a bay ariba e caminda di Mahuma pa bay Santa Marta, ey un truck di Bon Bini Cargo a ranca wayana di coriente.

Polis mester a cera e parti zuida di Muhama cu ta bay pa Santa Marta, unda cu e wayanan di Elmar a keda benta.

Elmar mester a presenta pa asina kita coriente for di ariba e wayanan cu a cay, di e manera ey evitando cualkier desgracia.

E transport tawata tin un carga mas halto cu e haltura stipula pa ley. Esaki lo no tawata un problema si e transport a bay Green Corridor strit abou. Pero, debi cu e caminda tawata cera e la haye obliga ta desvia y bay pasa e caminda di Santa Marta.

Ariba e ruta ey tin mata y tambe wayanan di coriente “abou” y aki ta unda e la ranca varios di nan y tambe takinan di mata.

Un automobilista pasando eybanda su vehiculo a sufri daño ora cu takinan grandi di mata a cay y dal su auto.

Compania di segura a presenta y a midi e carga, cu tawata surpasa esun stipula pa ley.

Caminda a keda cera pa un rato pa Elmar por a fix e wayana y tambe e trekker wak cua caminda e lo bay tuma, mientras cu e caminda a keda cera un rato den ambos direccion.