Home Local Como parti di AAA Wings of Hope su meta di “Education”: ...

Como parti di AAA Wings of Hope su meta di “Education”: 252 studiante lo ricibi asistencia pa back-to-school 2021

SHARE

ORANJESTAD – Aruba Airport Authority N.V. (AAA) su “Wings of Hope” (WoH) ta orguyoso di por a hasi donacion di 175 pakete cu material pa scol y uniform na Directie Sociale Zaken (DSZ) riba Diamars dia 3 di Augustus, 2021. 

 

WoH su metanan ta basa riba 5 di e Sustainable Development Goals (SDGs) di Nacionnan Uni:  “Hunger”, “Education”, “Affordable & Clean Energy”, “Environment/Sustainable Airport Community” y “Partnership”. Como parti di WoH su meta di “Education”, cu ta inclui dos parti: un total di 175 studiante a ricibi asistencia cu nan material- y uniformnan pa scol y un total di 77 studiante lo ricibi asistencia cu nan pago di aña escolar.

 

Durante e entrega di e materialnan y uniform di scol na DSZ door di WoH workgroup hunto cu mas colega di AAA, AAA su Director Health, Safety and Sustainability y WoH leader Sra. Angeline Flemming a expresa su gratitud na DSZ pa nan esfuerso continuo y dedicacion na e comunidad di Aruba. E asistencia di DSZ ta crucial pa WoH. “Pa AAA, e ta un honor pa por asisti specialmente e muchanan pa nan logra nan estudio apesar di nan situacion financiero. Nos ta spera di por inspira otro mentenan hoben pa considera un carera den aviacion den futuro, ta locual sra. Angeline Flemming a bisa.