Home » Ta pidi cooperacion di tur hende pa minimalisa riesgo di contagio Hospital cu reintroduccion di uzo di mask obligatorio

Ta pidi cooperacion di tur hende pa minimalisa riesgo di contagio Hospital cu reintroduccion di uzo di mask obligatorio

by Admin
0 comment 36 views

Mirando e situacion actual na Aruba cu e aumento di casonan di COVID-19 Dr. Horacio E. Oduber Hospital a dicidi di introduci bek e uzo di mask obligatorio. Tur hende cu yega Hospital mester bisti mask ora di drenta cualkier edificio pa un cita, test of bishita. Esaki ta conta tambe pa tur cita na policlinica cu ta situa pafo di HOH, tambe tur donante di Stichting Bloedbank y tambe si tin cu prik na LabHOH.

No lo stop ningun servicio pero pa salvaguardia salud di pashent, bishitante y empleado ta pidi pa tur hende mantene nan mes na regla pa HOH por sigui brinda cuido safe.

Orario di bishita:
Ta permiti solamente 1 (un) bishitante mayor di edad (18 aña of mas) pa pashent interna. Tene bon na cuenta cu lo nenga entrada si e bishitante no tin mask bisti. E orario di bishita lo sosode na un orario fiho cu un duracion di 1 ora. E orario fiho aki lo ser comunica directamente cu e pashent/ bishitante pa asina por keda garantisa distanciamento social den cada camber. Esaki tambe ta conta pa pashent cu tin Covid-19. Semper por tin excepcion cual ta wordo comunica riba e departamento.
Pa algun pashent interna tin excepcion cual ta rekeri un dagpas, manera cuido intensivo (ICU), departamento di mucha y maternidad. Tambe tin excepcion den caso cu pashent ta terminal.

Operacionnan:
Si bo persona tin un operacion of admision planea, lo yama pa haci un triage telefonico. Si tin sintomanan di Covid-19 lo mester haci test prome. E dia di operacion atrobe e enfermera lo haci e triage prome cu e operacion.

Cita policlinica / Radiologia /Wondpoli/ Functie y tur otro servicio:
Acudi na e cita bo so y cu bo mask bisti. Tin casonan pa motibo medico of di excepcion cu e pashent mester di un acompañante (mucha, pashent invalido, den rolstoel etc). Si e acompañante no tin mask bisti tambe lo nenga entrada na Hospital. Por fabor yega bo cita 5 minuut prome y no mas pa evita aglomeracion.

Departamento di Emergencia:
Tur persona mester acudi departamento di emergencia cu un mask bisti. Tambe nos ta recorda cu ta permiti solamente un (1) persona pa drenta hunto cu e pashent y pa e acompañante e mask tambe ta obligatorio.

Porfabor mantene un bon higiena di man haciendo uzo di nos hand sanitizers situa na diferente lugarnan strategico prome y despues di haci bo bishita. Hunto nos por combati’e un bes mas!

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio