Home Local Wardacosta ta yuda barko di bela ‘Skagen Primero’

Wardacosta ta yuda barko di bela ‘Skagen Primero’

SHARE

 

Diasabra anochi e barko di bela ‘Skagen Primero’ cu tawata nabegando di Panama pa Trinidad & Tobago ku dos persona na bordo a yega Aruba pa refuel pa nan por sigui nan ruta. Pa motibo  di biento duru riba ruta nan mester a nabega riba nan motor cual a pone ku nan fuel a baha  hopi abou. Pesey e personanan a tuma contacto ku Aruba pa por refuel nan barko pa nan por  sigui pa Trinidad y Tobago.  

 

Na momento ku nan a yega Aruba nan a haya permiso di Aruba Port Authority pa por ankra na  Nikki Beach bou di guia di Wardacosta pa warda eynan pa haya fuel. Den oranan di ayera  mainta Wardacosta a haya notificacion ku e barko di bela lo a los for di anker y bai pega riba rif  di oost na entrada di Paardenbaai. Na yegada di e patruya di Wardacosta mester a bringa  bastante pa por a logra los nan for di riba rif. Despues di a logra kita nan, Wardacosta a guia  ‘Skagen Primero’ pa Barcadera pa nan hasi ‘inklaring’ serka Aduana. Despues e personanan  por a refuel pa por a sigui nan ruta pa Trinidad y Tobago.