Departamento di Salud Publico (DVG) ta anuncia cu entrante awe dialuna 2 di augustus 2021 tur dokter, boticario, dentista, partera y fisioterapista tin 3 luna di tempo pa aplica pa wordo inscribi den e registro di AruBIG. E ultimo dia pa haci esaki ta 15 di november 2021. Despues di e fecha aki lo cuminsa controla pa incumplimiento.
Pa aplica, simplemente bishita www.dvg.aw y click riba AruBIG pa mas informacion riba tur e rekesitonan y pa yena e formulario digital. Tur informacion na papiamento ta visibel riba e website bou di noticia/nieuws item y riba e pagina di AruBIG esakinan ta na Hulandes como ta trata un procedura legal.
Pa yena e formulario digital e aplicante mester scan tur diploma, paspoort, CV, y otro documentonan pa upload esakinan prome cu por finalisa e formulario digital. Por bishita tambe directamente e pagina di AruBIG cu ta www.dvg.aw/arubig