Home Police Homber(35) y dama(20) ta perde nan bida den accidente di trafico ariba...

Homber(35) y dama(20) ta perde nan bida den accidente di trafico ariba caminda di Catiri

SHARE

Catiri – Diadomingo marduga den careda di 3:30 habitante di un cas ariba caminda di Catiri a yama polis dos biaha, debi cu un auto a dal contra su cura di cas. Tambe e la bisa cu e hendenan no a baha di e vehiculo y cu ta mustra serio. Polis no a yega mesora segun e habitante.

Na yegada di polis nan ta wordo sorpresa pa un accidente serio, unda cu den e vehiculo cu ta un Yaris tin no un pero dos persona cu no tawata duna señal di bida.

Mesora a cuminsa cera e area unda esaki a sosode, aunke tur hende a cana ariba tur cos caba. A pidi pa un ambulance y tambe a notifica e instancianan concerni.

Tawata trata di solamente un auto, un Toyota Yaris color cora.
Segun informacion, e vehiculo aki tawata biniendo for di pazuid, unda cu dado momento e auto demasiado na su man robes, causando cu e la yega den contacto cu e tera.

Eynan ta unda cu e velocidad hopi halto di e auto no por a wordo controla mas door di e chauffeur Carruyo(35) naci na Venezuela y ta dal contra un pilar.
E vehiculo a doble casi den dos, causando morto al instante di e dama Angulo(20) naci na Cuba y di Carruyo(35). E personanan aki ta bira e di 3 y 4 morto den trafico aki na  Aruba.

Na yegada di paramediconan, mucho nan no tawata tin pa haci sino para mira e personanan den e auto sin señal di bida. E siguiente paso a bira unda a pidi pa dokter Texier y tambe pa materiaalwagen di brandweer.

Despues cu e Dokter a constata morto y BFTO a caba di haci nan parti bomberonan tawata tin e tarea di saca ambos curpa y pasanan over pa dos cherche di Aurora Funeral Home cu a presenta tuma e curpanan over y bay cu nan na e cas funeral.

Famianan tambe a yega y nan tawata tin e trabou di mas dificil, esta reconoce nan sernan stima. Di ambos banda famia a presenta y esaki tawata momentonan dificil.

Arubanative.com ta manda palabranan di condolencia y tambe forsa na e famianan di e fayecidonan.

Relato ricibi for di Vocero di Polis Sr. Lito Lacle.

“Diadomingo madruga pa 3.35 central di polis ta wordo notifica di un accidente di auto na Catiri. Patruya ta despacha cu maximo urgencia pa e sitio di accidente. Na yegada di e sitio polis y ambulans ta pidi presencia di dokter.
Pa 4.51 am Dr. Texier ta constata morto di ambos persona e hende homber
G.E. Ledezma Carruyo naci na Venezuela 26 november 1985 y e hende mohe I. Goicochea Angulo naci na Cuba 5 mei 2001.
Specialista di trafico y polis tecnico a yega na e sitio pa haci nan investigacion. Slachtofferhulp tambe a acudi na e sitio pa brinda sosten na e famianan cu ta involucra den e accidente pisa aki.
Cuerpo Policial Aruba ta manda palabra di profundo condolencia na famia di e fayecido. Un mensahe na tur chauffeur pa bay trankilo den trafico. Bo famia ta warda bo na cas”.