217
Savaneta – Diadomingo marduga den careda di 3’or polis a wordo informa di un accidente cu hende herida na Savaneta. Pa ta exacto net dilanti Wintergarden supermarket.
Na yegada di patruya nan a pidi pa cera parti pariba di e caminda unda antes tawata Domino’s Pizza. E motibo tawata cu un di e vehiculonan tawata ariba caminda.
Tawata trata di un Jeep Wrangler y un Hyundai Getz. Chauffeur di e Getz a resulta herida y pa e motibo aki polis a pidi pa Ambulance.
Por a mira cu e Jeep a wordo gedal den su banda drechi door di e Getz, door di e impacto e Jeep a bay dal contra cura di un cas kibrando esaki.
E Hyundai Getz a keda completamente destrui parti dilanti.
Segun informacion no oficial, e Hyundai Getz lo no tawata tin su luznan cendi momento cu e Jeep a bay bira. Pues probablemente chauffeur di e Jeep lo no a mira e Getz biniendo.
Paramediconan cu a yega na e sitio bay duna asistencia na chauffeur di e Hyundai Getz.