Oranjestad – Rotaract Club of Aruba un bes mas a organiza e bunita projecto ‘Back to School’ cu meta pa colecta material di scol pa 150 studiante. Ya pa 3 diasabra caba volunarionan tawata presente na Dyon Center pa asina ricibi e donacionan for di tur esnan cu kier contribui na e projecto. Diasabra 31 di juli ta e ultimo siman di e projecto.
Aruba Bank ta aplaudi e iniciativa y a uni su mes un vez mas na e projecto pa yuda mas mucha cu ta posibel y asina confirma nan compromiso cu nos comunidad y sosteniendo nan pilar strategico “We Care”.
Representante di Aruba Bank, Roxanne Croes a bishita miembronan di Rotaract cu e bunita noticia cu lo redobla e cantidad di donacion cu nan a logra colecta riba diasabra ultimo.
Aruba Bank ta invita comunidad pa bishita e stand di Rotaract diasabra awor na Dyon Center, pa contribui pa yuda studiantenan den mas necesidad haya material pa bai scol.