Home » Rotaract Club of Aruba y ‘Back To School Project’ ta anuncia: Ultimo Fin di Siman di Coleccion Ta Den Porta

Rotaract Club of Aruba y ‘Back To School Project’ ta anuncia: Ultimo Fin di Siman di Coleccion Ta Den Porta

by Admin
0 comment 44 views

Oranjestad – E team di Rotaract Club of Aruba ta den ful swing cu e coleccion y finalisacion di e proyecto anual di ‘Back To School project’ 2021. E proyecto aki tin como meta pa yuda nos muchanan bishitando scolnan basico na diferente districto rond di Aruba cu materialnan di scol pa asina habri un aña escolar cu confiansa.

Pa 29 aña caba Rotaract Club of Aruba su miembro y boluntarionan ta uni hunto cu famia y maestronan bou di e proyecto ‘Back To School’. E aña aki e meta ta pa facilita 150 mucha di 4e, 5e, y 6e klas bayendo scol na diferente partinan di Aruba cu articulonan di scol – entre otro uniform, potlood, pen, schrift, tas y mucho mas. 

Claro, e proyecto aki no por (a) wordo realisa sin e ayudo di nos comunidad. P’esey, nos ta invita pueblo completo un biaha mas pa pasa na DYON CENTER e Diasabra aki 31 di Juli 2021 pa yuda nos colecta articulonan pa nos muchanan por tin otro aña escolar exitoso un biaha mas. 

Rotaract Club of Aruba ta gradici Aruba pa e cooperacion pa hasi e projecto aki un realidad. Na tur studiante, Rotaract Club of Aruba kier deseabo un feliz vakantie y éxito pa e aña escolar nobo.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio