Bushiri – Diadomingo marduga den careda di 5’or polis a bay dilanti Fantastic Garden, unda auto a ranca un palo di luz.
Polis a yega y por a nota cu ta Elmar tawata na sitio caba. Un area grandi a keda sin coriente door di e accidente aki.
Ta asina cu e Nissan March a ranca e palo di luz, pero e chauffeur a bandona e sitio. Testigo/nan lo a mira unda e la cana bay y a avisa polis.
Despues cu e auto a ranca e palo di luz un Toyota Yaris lo no a mira e palo benta ariba caminda, y ta pasa ariba esaki causando daño na su vehiculo.
Despues di un rato chauffeur di e March a regresa e sitio di accidente y polisnan mesora a constata cu e homber ta burachi. Aki ta unda a bay over na detene y a pidi transportwagen.
Na yegada di transportwagen e la wordo hiba warda di Playa, unda un Sub Fiscal lo sigui atende cu ne.
