E evento di “Maiden Voyage 2021” cu ta tuma luga den juni 2021, ta wordo cubri door di un total di 27 nacion rond mundo, incluyendo tur e paisnan di Europa y Latino America, tambe Rusia, China, Japon y den tur e estadonan di USA. E evento di ‘Maiden Voyage’ ta un evento cu ta wordo celebra anualmente y e produccion tin un nivel cu por wordo compara cu Grammy Awards.
Embahadornan principal y figuranan prominente di Scientology di rond mundo lo reuni den e celebracion aki, respetando tur e medidanan di seguridad y protocol actual. Esaki ta un evento di reconocimentonan y revitalizacion den cual e meta na final di dia ta pa fortalece un structura social fuerte mundialmente y paz mundial.
Den e evento aki a pone atencion na e rotondo cu e sculptura ‘Speransa” unda a entrevista e autor di e obra, arquitecto/artista Arubiano Jani Croes.
Durante e anochi di gala aki, e entrevista cu Croes a wordo estrena una a duna un splicacion amplio di e obra di stainless steel, cu ta refleha e calor y cultura di nos hendenan. Aruba alegre, bailado amabel y caluroso, semper cu speransa pa un miho mañan.
E obra ‘Speransa’ cu tin un haltura di 8 meter ta duna un sensacion di movimiento carnavalesco (un jump-up). E construccion di e obra riba su mes tawata un reto debi na nos biento fuerte y e salpeter den aire pero danki na e cooperacion entre Jani Croes y Juan David Cardona, a logra pone ‘Speransa’ ariba pia exitosamente.
Den e evento di “Maiden Voyage 2021” Aruba a wordo promovi como destinacion turistico y artistico pa un mercado hopi afluente ya cu miembronan di e organisacion ta figuranan famoso di “high profile” internacionalmente, tambe entre otro CEO di diferente multi-nacional y presidentenan di organisacionnan mundial; sin conta tur e paisnan unda e evento aki ta wordo transmiti.
Freewinds su ministerio di boluntarionan tambe a wordo honra pa nan misionnan humanitario den Caribe incluyendo Aruba caminda mas cu 1.131.939 m2 na edificionan hunto a wordo desinfecta.
Durante e evento aki mundo por a aprecia e obra local cu nos ta brinda na nos bishitantenan.
Tambe a ripara cu for di momento cu e rotondo a keda inaugura por mira cu esaki a bira un icono pa nos bishitantenan saca potret dilanti dje. ‘Speransa’ ta un bunita obra cu ta refleha Aruba, pa nos hendenan local y pa nos bishitantenan.