Home Police Polis lo continua cu controlnan intensivo ariba nos careteranan

Polis lo continua cu controlnan intensivo ariba nos careteranan

SHARE

Oranjestad – Weekend tras di lomba Cuerpo Policial a tene un landelijke verkeerscontrole y mas. Pues ariba puntonan strategico autonan tawata wordo para pa wordo someti na  un controlnan.

For di diabierna atardi polisnan a subi caya bou mando di un superior, unda cu a para por a ehempel ariba L.G.Smith Boulevard altura di A.T.A toeristenbureau.

Mas pabou ariba e mesun caminda polis tawata altura di Ports Authority. Por a miranan tambe na e area conoci ariba caminda di Savaneta, cu ta altura di La Granja.

Cifra exacto KPA no tin di cuanto boet a wordo duna y/of cuanto auto a ser tuma den beslag. 

Nos a compronde cu tawata tin detencionnan tambe cu a tuma luga.

Esaki tawata pa chauffeurnan na stuur bou influencia y tambe personanan indocumenta. 

Esakinan a wordo pasa mesora pa Guarda nos Costa. C.E.A su personal y nan transportwagen tambe a participa na e accion, unda cu esnan deteni tawata wordo hiba un warda di polis e anochi ey.

A controla documentonan di e vehiculonan. Polis a haya droga, arma blanco y tambe a parti boet pa chauffeur cu cellular den man.

Esnan cu a surpasa e limite di velocidad tambe a haya boet.

Controlnan lo continua, pues na tur automobilista zorg pabo cumpli cu tur regla pabo no haya bo cu gastonan manera un boet halto, of nan takel bo auto bay cu ne.