Home » Accidente fatal na Cura Cabai diabierna merdia

Accidente fatal na Cura Cabai diabierna merdia

by Admin
0 comment 79 views

Cura Cabay: Diabierna den careda di 2’or di merdia a drenta un informe di un accidente frontal hopi serio pabou di Napa Cura Cabai. Tres persona a resulta herida, den cual un no tabata reaciona mas. 

E accidente tabata entre un Toyota Yaris di dos porta color geel, y un Suzuki Swift Blanco.

Mesora a manda polis, ambulance y brandweer na e sitio, mirando cu un di e victimanan tabata pega den e auto.

Na yegada polis a cuminsa cera e caminda pa trafico. Mientras na yegada di ambulance e paramediconan a cuminsa trata e victimanan na e sitio, hopi lihe nan a ripara cu un di nan no tabata duna señal di bida mas. E prome ambulance hopi lihe a sali direccion di hospital, cu e chauffeur di e Suzuki Swift.

Na yegada di e personal di brandweer, mesora nan a cuminsa corta e Toyota Yaris, pa asina libera  e ocupante cu tabata pega den e auto, e chauffeur di e Yaris no tabata duna señal di bida mas. E ocupante tawata un dama.

E ocupante di e Yaris tambe a wordo transporta cu  pa hospital.

A wordo papia di un accidente frontal, pero ariba caminda mes no por a mura ningun marca di brake.

Bomberonan na e sitio despues di algun rato a libera e dama pasahero di e Yaris geel, mientras a tapa e vehiculo unda e curpa di e chauffeur a keda.

Departamento tecnico di polis a presenta na e sitio pa su parti di investigacion. Asina Aruba a conoce un morto mas den trafico.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio