Home » Peter R.de Vries(64) a fayece, e la lucha te final pero a perde e bataya

Peter R.de Vries(64) a fayece, e la lucha te final pero a perde e bataya

by Admin
0 comment 61 views

Amsterdam – Peter R. de Vries a fayece. Manera ya ta conoci e la wordo tira di cerca diamars siman pasa. De Vries(64) a fayece den compania di su famia na Hospital. “Nos ta sumamente orguyoso di dje y na mes un momento inconsolabel” asina su famia a laga sa.

De Vries a wordo tira den cabes di cerca despues cu e la sali di un programa di RTL Boulevard, unda e tawata participa varios biaha como experto. Momento cu e la sali sin niun bodyguard bayendo su auto cu tawata den e parkeer garage na Lange Leidsedwarsstraat na Amsterdam, e sospechoso principal Delano Geerman(21) a yega cerca y a los 5 bala den su direccion. Un bala sigur a dal e den cabes, unda cu e la cay y no a reacciona mas.

Mesora alarma a wordo bati unda agentenan policial cu a yega prome na e sitio a cuminsa dune CPR, di eynan e la wordo translada cu urgencia pa hospital, unda cu e edificio a bay bou lockdown. Polisnan fuertemente arma tawata cuida esaki, unda cu ningun hende por a drenta zomaar.

Peter semper a bisa y asina e la biba su palabranan tawata “On bended knees is no way to free”. E palabranan aki segun nos a compronde e lo a pone como tattoo ariba su rudia.

E famia, amigonan y esnan cerca di dje kier verwerk su morto den tur trankilidad posibel y ta pidi pa respeta esey. Fecha di entiero no ta conoci ainda.

Trasmision awe di RTL Boulevard 18:30 ora di Hulanda lo wordo dedica completamente na Peter su bida y su trabou locual e ta laga atras. Lo no tin propaganda awe nochi ariba RTL 4.

Esnan cu a ta envolvi den e atendo a wordo aresta ariba A4 cerca di Leidschendam. Den e auto tawata un homber(21) di Rotterdam  y un otro homber(35) di Maurik Poland.

LOKE SA DI E SOSPECHOSO/NAN

Delano G(21) ta di Rotterdam y ta un aspirante den e mundo di Rap. E ta e sospechoso principal. E la crece of lanta den e bario di Tiel. E la yega di participa den e programa ” So you think you can dance”. Delano a lanta su mesun label musical.

Segun de Te Telegraag Delano ta primo di Jaoud W, cu ta primo di Ridouan Taghi. Jaoud ta na cabes di un banda di hitman/sicario den e organisacion criminal di Taghi. Taghi ta e sospechoso principal den e caso Marengo, unda cu De Vries tawata persona di confiansa y alabes un testigo clave(kroongetuige)di Nabil B. Posiblemente door di esaki mes e tawata ariba lista di morto di e organiscion criminal di Taghi.

Apesar di e tur menasanan di morto ariba e adres di De Vries e no tawata wordo cuida locual si tawata sosode cerca e otro reporteronan di crimen(Misdaadjournalisten)

Te awor husticia lo bay conduci un investigacion independiente relaciona cu e siguridad di Peter R.de Vries.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio