Home Local Kiwanis Nostalgia Party lo tuma lugar dia 4 di September...

Kiwanis Nostalgia Party lo tuma lugar dia 4 di September 2021 !

SHARE

Oranjestad. –  Kiwanis Club of Palm Beach ta orguyoso di anuncia e sigiente edicion di e legendario Kiwanis Nostalgia Party! E evento aki a bira masha popular ultimo di añanan entre amante di musica di añanan ‘60, ‘70 y ’80; mihor conoci como e decadanan di “Sixties”, “Seventees” y “Eightees”. 

Durante aña di Pandemia, 2020, e evento no por a tuma lugar obviamente.  Sinembargo, awor si a base di demanda popular e evento lo tuma lugar un biaha mas y e titulo di e edicion aki ta: Kiwanis Nostagia Party “Blast from the Past!”.

E evento lo tuma lugar na Aruba Hilton Caribbean Resort riba Diabierna dia 4 di September for di 8.00 p.m. pa 1.00 a.m. Lo tin un total di cuater banda musical cu lo duna nan presentacion: Supermania, The Tramps, The Strangers y Kiwanis Band.

Caarchi ta obtenibel pa un prijs rasonabel di Afl 75,- na tur miembro di Kiwanis Club of Palm Beach y tambe na ‘The Specialists Vision & Hearing’ y ‘Eagle Aruba Resort’. 

Kiwanis Nostalgia Party ta un iniciativa di Kiwanis Club of Palm Beach pa recauda fondo pa nos communidad. Tur fondo lo wordo dedica na donacion charitativo of proyecto social den nos communicad cu enfoque riba muchanan den necesidad.  Ehempel di proyectonan ehecuta dor di Kiwanis Club of Palm Beach ta inclui e proyecto di Watercoolers pa Skolnan, Child Seat camapigns, ademas di donacionnan na un variacion di fundacionnan manera Cede Aruba, Hungateca, YMCA, Casa Cuna y mas.

Kiwanis Club of Palm Beach kier extende palabranan di gradicimento na tur integrante di e bandanan kendenan lo no cobra pa nan presentacion riba e anochi aki. Di e forma aki nan tambe lo contribui na e meta charitativo di e evento.

Finalmente, Kiwanis Club of Palm Beach ta tuma e oportunidad di invita tur amante di musica di “Sixties”, “Seventees” y “Eightees” pa busca bo caarchi y atende e evento aki. Mientras bo ta disfruta di un anochi ameno, na e mesun momento lo bo ta aportando na nos communidad durante un temporado cu nessecidad ta keda halto.

 

Kiwanis Club of Palm Beach

Kiwanis Club of Palm Beach Aruba ta forma parti di Kiwanis International, un organisacion mundial di boluntario dedica na cambia mundo, cuminsando na un comunidad y un mucha. Nos ta un organisacion den crecemento, dedica na yuda muchanan di mundo henter hisando nan calidad di bida. 

Pa mas information di Kiwanis Club of Palm Beach bishita nos webpage na www.kiwanispalmbeach.com of nos Facebook fan page na https://www.facebook.com/kiwanispalmbeach

 

— fin di communicado —