Home Dutch Kingdom DCNA su Promé First Big Live Nature Quiz- edishon pa Adulto: ...

DCNA su Promé First Big Live Nature Quiz- edishon pa Adulto: Wega Prèt online tokante Bestianan rònt Karibe Hulandes

SHARE

Riba djabièrnè 2 di yüli, Dutch Caribbean Nature Alliance (DCNA) a tene su promé Big Live Nature Quiz pa adulto na Aruba, Boneiru, Kòrsou, Saba, Statia, i St. Maarten. Na total 39 tim ku riba 100 miembro di tim formando tim di te 1-4 hungadó a partisipá na e kues ku a bai via internèt i ta interaktivo. Despues di hopi tanda ku preguntanan interesante i inspirante tokante naturalesa, un tim na Boneiru a gana. Di dos lugá a bai pa un tim na Aruba i e di tres lugá a bai pa un otro tim na Boneiru.

 

A krea e Big Live Nature Quiz ku ta online pa eduká siudadanonan tokante naturalesa riba un manera prèt i interaktivo, pa lanta orguyo pa naturalesa di e isla, enkurashá práktikanan ku ta bon pa medioambiente, sostené e proyektonan di konservashon di e parkenan, i pa trese personanan rònt Hulanda Karibense den kontakto ku otro. 

 

Kuesnan grátis kada aña pa Adulto i Mucha 

E meta ta pa hasi e kuesnan un evento anual pa tantu adulto komo mucha. Na 2020, a lansa e promé edishon pa mucha. Pa 2021, e edishon pa mucha aktualmente ta planeá pa kuminsamentu di òktober. Keda pendiente pa bo siguiente oportunidat pa bo siña mas tokante naturalesa di Hulanda Karibense.

 

Kues Live i Interaktivo

Timnan por a partisipá na dos forma. Sea ku timnan ku a haña invitashon pa hunga for di e base na kas/online huntu amigu i famia òf djòin e kues na un di e sitionan di transmishon. 

 

E ‘Quiz’ tabata online i bibu. Di e forma akí, tur e timnan di e islanan di Karibe Hulandes por a partisipá na mes momentu i tambe por komuniká ku otro i ku e anfitrion di e programa.

 

Sitionan di transmishon tabata “Hillside” na Boneiru, “Long Haul” na Saba, i “Dinghy Dock Sailors Bar” na St. Maarten. Un danki di kurason ta bai pa e establesimentunan akí i tambe na STINAPA Bonaire, CARMABI na Kòrsou, Aruba National Park Foundation, Saba Conservation Foundation (SCF), STENAPA na St Eustatius i Nature Foundation Sint Maarten (NFSXM) pa nan sosten na e evento akí.

 

Tema: Animalnan di Karibe Hulandes 

 

E kues Big Live Nature Quiz pa adulto tabata konsistí di 35 pregunta komun den e siguiente kategorianan: Animalnan Marino, Animalnan Terestre, Zonido den Naturalesa, Espesienan Spesial di e islanan, i Hende i Naturalesa. Tabatin un pousa chikitu meimei pa por a tuma algu di bebe i pasaboka pa prepará pa bai di dos ròndu. 

 

Ganadónan

Durante e kues ku tabata Live i Interaktivo e timnan por a sigui desaroyo di nan skor. Despues di sinku tanda di kompetensia, a anunsiá e ganadónan. E promé lugá ku skor di 293 a bai pa “Jonkers” na Boneiru. Nan lo risibí un paseo ku boto di bela ku posibilidat di snòrkel rondó di nan isla bunita. Di dos i di tres lugá a bai pa respektivamente “Mini’s Butlers” (ku 259 punto) na Aruba i “Gwen & Dunc” (ku 254 punto) na Boneiru. Nan lo risibí sombré ku T-shirt di e logo di Big Live Nature Quiz. Pabien na nan tur!

 

Reakshon di un partisipante di e kues BLNQ na “Long Haul” Saba: “Mi a gusta e kues! Spesialmente mi a gusta e kategoria Zonido den Naturalesa, pasobra esaki tabata diferente di kualke otro kategoria komun ku mi a yega di topa den un kues”.

 

No pèrdè e siguiente Big Live Nature Quiz

Kontrolá DCNA su Facebook (Dutch Caribbean Nature Alliance), Instagram (DCNAnature) òf BigLiveNatureQuiz.org pa mas informashon i pòrtrèt di e eventonan. Si tin kualke pregunta, manda un mensahe di meil pa info@DCNAnature.org òf yama na +599-717-5010.

 

Big Live Nature Quiz ta haña fondo generoso di Ministerio di Agrikultura, Naturalesa i Kalidat di Kuminda (LNV) i e aktividatnan di DCNA ta haña sosten di ta haña sosten di Postcode Loterij di Hulanda. 

 

DCNA su ganadó di Big Live Nature Quiz adulto. Promé lugá a bai pa un tim na Boneiru. Di dos lugá a bai pa Aruba i e di tres lugá a bai pa un otro tim na Boneiru.

 

Saba: E tim Sea Saba disfrutando di DCNA su Big Live Nature Quiz na “Long Haul”

 

Boneiru: Partisipantenan na DCNA su Big Live Nature Quiz lesando ku atenshon e preguntanan na “Hillside-Bonaire”.

 

St. Maarten: Asistensia grandi na DCNA su Big Live Nature Quiz na “Dinghy Dock Sailors Bar”

 

DCNA su Big Live Nature Quiz: E timnan por a partisipá tambe ku famia i amigunan for di kas na Aruba, Boneiru, Kòrsou, Saba, Statia i St. Maarten

 

Download link photos: https://wetransfer.com/downloads/025945af35ce8253b0941cf30db35c0e20210715123437/19ed3305e5a93c0375192c9e39aa16c820210715123453/7706b3