Diasabra anochi Ibero American High School a celebra Graduacion di aña escolar 2020/2021 di su 42 alumnonan. 4 alumno tabata di Ibero American Primary School, sigui pa 38 di Ibero American High School cu a caba nan estudio.
Meneer Eddy Diaz tabata e maestro di ceremonia encarga cu e programa di e anochi y a zorg pa tur cos cana bon. Pastor Troydel Williams a Resa y pidi Papa Dios pa Bendiciona tur esnan presente. Srta. Jaydiene Croes a canta e Himno di Aruba, sigui pa e Himno di Merca. Meneer Eddy Diaz a yama tur e graduadonan pa dilanti pa asina por a sigui cu e programa di e anochi, sigui pa e otro Pastor Jarno van Dijk. Pastor Jarno van Dijk a duna tur alumno su buki di motivacion di 30 dia cu el a caba di lansa.
Parlamentario Endy Croes a hiba algun palabra, sigui pa Sr. Charles Croes.
Director di Ibero American School William Andy Centeno a hiba palabra y a bisa con largo su caminda tabata pa a logra hiba e scol pa dilanti. Awo e por wak un scol cu su agenda ta conta cu alumnonan cu a gradua y awo nan por sigui nan estudio na Universidad di Aruba, Merca, Canada, Hulanda, Spaña y mas. Ibero American High School a traha su bon nomber y ta sigui traha cu e meta pa su studiantenan sigui nan careda di estudio den exterior. E Director William Andy Centeno y su team di maestronan ta sigui traha pa logra hopi mas.
Meneer Eddy Diaz a presenta e staf di Ibero American High School.
Sra. Ingrid Kuiperdal Centeno a entrega tur alumno nan Diploma.
Srta. Jahnaila Jalia Alcantara Delgado a sali e miho graduado di aña escolar 2020/2021 di Ibero American Primary School y Srta. Noëmi Sigourney Imani Ronokarijo a sali e miho graduado di aña escolar 2020/2021 di Ibero American High School. Meneer Tico a entrega e dos miho graduadonan un medaya.
