Home Dutch Kingdom Delano Geerman(21) lo a wordo paga 150.000 Euro pa a likida Peter...

Delano Geerman(21) lo a wordo paga 150.000 Euro pa a likida Peter R. de Vries

SHARE

Segun De Telegraaf, basa ariba combersacionnan teni cu famia di Delana G.
Famia lo a conta e media cu Delano lo a wordo manda door di e ‘Utrechtse Uitzendbureau di asesinonan’. E oraganisacion aki lo ta gelinkt cu Ridouan Taghi y su supuesto criminele organisatie.

Si e alegacionnan de e famia di Delano cuadra cu berdad no por bisa ainda.
Di parti polis Hulandes mes no tin ningun reaccion ariba e atentado ariba De Vries.

Aparentemente e shooter(Delano G) ta primo di Jaoud ‘Joey’ W, cu lo ta e cabesante di e asina yama Utrechtse “Uitzendbureau voor moorden”.
Polis a bin haya sa di e grupo aki durante un inval, den un ‘garage box’ na Nieuwegein.
Den e luga a bin haya un cantidad di machine gun, handgranaat y otro armanan pisa.

Algun persona cu a wordo deteni den e caso aki a ricibi condenan di 13 aña.
Pero, nunca por a link Taghi oficialmente cu e caso aki, esta di e armanan den e garage.

Delano Geerman(21) a yega di haye prome cu e la tira Peter R.de Vries ya caba den problema cu polis y husticia.
Tawata trata di ladronicianan ariba caya, atraco y kiebro den casnan.

Segun medianan Hulandes, e la haya straf di 15 luna den un jeugddetentie, di cual 5 tawata voorwaardelijk.

Manera ta conoci Peter R.de Vries a wordo tira di cerca den cabes pa e sospechoso Delano Geerman. Esaki a pasa diamars siman pasa, momento cu Peter q sali for di e programa RTL Boulevard cu situa den centro di Amsterdam.

Den un ora di tempo polis Hulandes ta para un auto ariba caminda cerca di Leidschendam direccion Den Haag.
Den e auto nan a haya e homber Polaco Kamil E(35) y Delano G(21). Ambos ta cera bou resticcion.

E investigacion na esnan cu a duna e ordo pa mata Peter R.de Vries ta den full swing. Polis ta tene cuenta cu diferente scenarionan.
Di otro banda, abogado di Taghi ta bisa cu bo no por sin mas involucra su cliente Ridouan Taghi.
Segun Inez Weski su nomber a yega of ta wordo bisa den diferente otro casonan, unda cu oficialmente no tin ningun keho entrega.

Lo ta trata por ehempel di e likidacion di e Abogado Derk Wiersum y un ruman inocente den e testigo prinicipal di e Mocro Mafia.