Amsterdam – Diasabra anochi e studionan di RTL Boulevard tawata den noticia un biaha mas. Esaki ta e mes un studio di television den centro di Amsterdam unda cu Peter R.de Vries a sali diamars ultimo, y algun minuut despues a wordo tira di cerca door di Delano G.
Diasabra anochi e studio/nan di RTL Boulevard mester a wordo desaloha(ontruimd), debi na menasanan serio.
E programa normal di e canal no a bay door, debi na hecho ey.
Na luga di pasa e programa normal di entertainment RTL 4 a opta pa pasa un ripiticion di un programa di diaranson ultimo cu a wordo dedica na Peter R.de Vries Misdaadjournalist. E studio situa na e Amsterdamse Leidseplein a wordo desaloha mas trempan debi na menasa/nan serio ricibi.
Nan no ta papia di ki sorto di menasa y tampoco via kiko e la wordo ricibi.
Minister demisionario Grapperhaus mesora a tuma medidanan, politiek y media ta rabia over di e menasanan ariba RTL 4, cu a pone cu mester a bay asina leu di stop un programa live y desaloha full e studio.
Segun Grapperhaus Minister demisionario di Justicia, ” Mi ta den contacto estrecho cu e driehoek local di Amsterdam, esta Burgermeester, Polis y Ministerio Publico. Na banda di esey Grapperhaus a tene combersacionnan tambe cu redaccion di RTL Boulevard y RTL Nederland.
Grapperhaus ta haye un desicion drastico y pisa cu mester a bay asina leu di stop un Live Uitzending di RTL Boulevard diasabra anochi.
Otro politiconan Hulandes y hendenan den Media a mustra na disgusto via medianan social.
Yelle Tieleman un otro Misdaadverslaggever tin comprension pa e situacion.
Ta hopi serio cu un programa no por a bay door, pero siguridad ta na prome luga, asina Tieleman a pone via Twitter.
Siguridad pa Prensa, un iniciativa di asosacion di hefenan di redaccion, Ministerio Publico, polis y NVJ cu ta Nederlandse Vereniging van Journalisten a considera locual a sosode diasabra anochi cu mester a stop e Live Uitzending di RTL BOULEVARD” pa nos grupo di trabou algo extremadamente serio.