Savaneta – Diasabra anochi laat varios automobilista pasando ariba e caminda di Savaneta a mira un auto mal staciona na banda di caminda. Un porta di e vehiculo tawata habri y un homber discutiendo cu un dama.
Mesora diferente hende a informa di e caso y tambe a keda para ariba un distancia poco mas leu mirando e desaroyo.
Mientrastanto e discusion a continua.
Algun minuut despues por a mira polis biniendo for di pariba. Agentenan a separa e pareha pa asina scucha e versionnan.
Segun polis a wordo informa na e sitio, lo tawata tin un discusion un otro caminda y e dama a rabia y a cana bay. Ariba e caminda di Savaneta e homber a topa y lo a purba of kizas forsa e dama pa drenta den auto. Esey tawata locual hendenan pasando tawata mira.
E homber a yama un famia y lo a avise kiko a pasa of ta pasando.
Despues cu polis a papia cu ambos e dama a subi e vehiculo y a bay cu e homber. Problema lo no a termina.
