Saliña Cerca: Diadomingo algo pasa di 4’or di marduga, ta drenta un informe di un auto na candela riba un pida tereno na Saliña Cerca, mesora a manda brandweer y polis na e sitio.
Na yegada enberdad nan a bin topa cu un Toyota Tercel blanco completamente na candela, mesora brandweer a cuminsa combati y paga e candela, pero e candela ya caba a destrui full e auto.
E auto a wordo kima un rato despues di e caso serio di tiramento dilanti Lekker Bar & Restaurant, no por bisa si e Toyota Tercel aki lo por tin algo di haber cu e tiramento aki y lo por a kima e auto pa asina kima tur evidencia.
Den varios casonan grandi, malechornan ta kima e auto despues di a haci nan fechoria, pa asina trata na kima e evidencianan.
Un cos e persona of personanan cu a los e tironan aki a lubida cu e area unda nan a haci nan fechoria ta yen di camara di seguridad y por spera cu pronto autoridad lo pone man riba nan.
