152
Avenida Milo Croes/ Stadionweg – Diahuebs anochi pa mas o menos 10’or polis a bay crusada di Avenida Milo Croes cu Stadionweg, unda un accidente di trafico a tuma luga.
E dos autonan envolvi tawata un Greatwall y Mazda suv. Falta di preferencia a hunga un rol.
Un dama a resulta levemente herida.
Ambos auto a sufri hopi daño material y por a mira cu tawata trata di un impacto duro, mirando cu ambos airbag di e autonan a sali.
Polis di trafico y tambe Ambulance a presenta na final, unda e Paramediconan a controla e dama cu a cana subi e ambulance yuda door di un amiga.
