Home » Traspaso automatico di pashentnan di dokter di cas Carlos Yagua Fingal pa oficina di dokter di cas (temporal) na hospital

Traspaso automatico di pashentnan di dokter di cas Carlos Yagua Fingal pa oficina di dokter di cas (temporal) na hospital

by Admin
0 comment 95 views

Organo Ehecutivo AZV ta informa e aseguradonan inscribi cerca dokter di cas Carlos Yagua Fingal di lo siguiente:
E contracto entre dokter Carlos Yagua Fingal y AZV a termina. Su persona a yega e edad di 65 aña unda cu contracto ta finalisa automaticamente. AZV ta gradici dokter Carlos Yagua Fingal pa tur e cuido cu el a brinda e aseguradonan. Na mes momento ta yama e oficina di dokter di cas (temporal) aki na Dokter Horacio Oduber Hospitaal bon bini.

Entrante awe 8 di juli tur pashent di dokter di cas Carlos Yagua Fingal lo wordo traspasa automaticamente pa e oficina di dokter di cas aki cu ta keda na Dokter Horacio Oduber Hospitaal. Na inicio, lo ta e dokter nobo, esta dokter A. Steward lo brinda su servicionan ya cu e intencion ta pa riba corto plazo despues bin cu un cas di dokter full ekipa cu diferente dokternan di cas.

Dokter A. Steward ta brinda servicio medico via e oficina di HAP (HuisArtsenPost, esta Dokter di Cas na Warda, na Dokter Horacio Oduber Hospital). E servicio di dokter A. Steward ta wordo duna di dialuna pa diabierna di 8or di mainta pa 12 di merdia. Y di 1or di atardi pa 4or di atardi. Dokter A. Steward ta traha cu afspraak solamente. Ta pidi e pashentnan pa yama den oranan di mainta (tempran) pa haci afspraak via e number 5274541.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio