Savaneta: Diahuebs prome cu 12’or di merdia presencia di polis a wordo pidi cu urgencia riba e caminda principal di San Nicolas pa Oranjestad na altura di oficina di Dr. Tromp na Savaneta pa un accidente.
Na e sitio e agentenan policial a bin compronde cu e ambulance tabat biniendo for di pariba y a haya nan confronta cu un auto maneha pa un homber burachi cu tabata biniendo di direcion contrario. E chaufeur di e auto a hala na su man robes y tabata bayendo frontal direccion di e ambulance. E chauffeur di e ambulance a trata na maniobra pa evita e impacto frontal, pero asina mes e auto a dal contra e banda robes di e ambulance.
Un ambulance tabata bahando for di San Nicolas ora cu el a haya su mes confronta cu un auto, cu tabata bini directamente riba dje. Chauffeur di e ambulance a trata na maniobra, pero e no por a evita e impacto. E auto a dal den banda di a ambulance.
E agentenan na e sitio a nota cu e chauffeur di e Hyundai tabata bou influencia. Na momento cu polis a bay detene e la trata na resisti su detencion, pero e no a logra e polisnan a bistie boei y e la wordo transporta pa warda di polis. E auto no tabata tin tur documentonan valido.
